Back, literally.

Ahahahahah ang tagal namang hiatus yun! Dalawang araw?! Napagod na kasi ako noong isang araw eh. Wala na akong lakas. Kailangan ko yatang mag-Star rice. Hehe. Nagbayad na kasi ako ng personal trainer. Ang mahal, gash! Mga around 17 sessions ang binayaran kong package. So far, nasusulit ko naman dahil regular akong pumupunta sa gym. Masakit lang nga sa katawan. Ang pagkakaalam ko ayon sa mga taong ginugol ko dati sa soccer, kailangan ng pahinga ang mga muscles. Every other day, pwede na yun. Kaso kailangan kong pumunta 5 times a week. Desisyon ko na rin dahil ano naman nga ang gagawin ko sa bahay kapag 3 times a week lang ako pupunta 'di ba? Tumunganga sa pader? Kumausap ng butiki? Humigop ng hangin?

Masakit ang tagiliran ko ngayon pero noong kinakapa ko na, parang tumigas. Eto na yata yung muscle building na sinasabi ng trainer ko. Kung sa upper body ko, kailangan ng muscle building, sa lower body naman ay nangangailangan ako ng muscle wasting! 'Wasting' kasi nga naglaro ako dati ng soccer at malaki talaga at matigas ang calves ko, seryoso.

Minsan gusto ko nang bumigay lalo na kapag tumatakbo ako sa treadmill. Kapag saksakan ng bilis ang treadmill, para ba akong matutumba kung bibitaw ako mula sa hawakan. Sinabi ko na sa trainer ko yon eh. Ang napansin ko nga lang, ok naman na ako kapag bumabagal ang pace ng takbo ko. Nag-iinarte lang kaya ako? Pero nawawala ako sa sarili ko kapag super bilis na eh. Blangko na talaga ang utak ko sa sobrang pagod at hingal.

Hindi naman laging torture ang pagpunta ko sa gym. May mga ilang exercises na ikinatutuwa kong malaman na kayang-kaya ko pala ang mga ito. Heto ang isa sa mga paborito ko:

Exercise ito ng likod e. Kailangang malakas ang likod mo para maibaba at maiangat mo ang katawan mo. Napansin ko noon na malakas ang lower back ko. Nadiskubre ko ito noong nasa kolehiyo ako. May training ako sa soccer tapos lahat kami sa team ay nakadapa sa lupa. Ihahagis ng kung sinong partner namin ang bola tapos dapat tirahin namin ang bola sa pamamagitan ng ulo. Ang mga teammates ko, hirap na hirap iangat ang katawan nila mula sa lupa. Tapos nagugulat sila sa akin na nadadalian ako sa ipinagagawa ni Coach sa amin. Parang ganito yung hitsura naming lahat noon:

Adik na yata ako sa back exercises e. 'Yang Superman pose na 'yan, nadadalian din ako. Heto pa ang isa:

Sa ngayon, kaya kong makasisenta na reps tapos 20 lbs. ang bigat. Minsan mabigat na talaga sa likod pero ewan ko, nachachallenge pa nga ako eh. Iilan lang 'yang mga gusto kong exercises kasi nagagawa ko ng mabuti. Gusto ko ring mabalik muli ang flexibility ko.

~~ 

Maiba ako. Natanggap ko na pala ang premyo ko mula sa Yahoo! Mail. Ang inaakala ko talagang t-shirt na matatanggap ko ay plain white, tapos may logo ng Yahoo! sa harap. Simple lang. Pero noong binuksan ko ang package, BULAGA! Itim ang kulay ng shirt tapos ang mascot ng Yahoo! Mail ang nasa harapan. Heto mismo ang hitsura ng mascot with matching confetti pa:

At kasama pa niya ang aso niya sa gilid. Celebration daw kasi dahil bago na ang Yahoo! Mail. Nyahaha. Nanalo rin ako sa PinoyExchange ng loot bag na Alvin and The Chipmunks. Naks.

Magpapahinga lang ulit ako. Grabe, sana talaga lumakas ako sa ginagawa kong 'to. Nakakapagod... Salamat pala sa Google Image Search. Kung saan-saan ako napapadpad! 

links: digg this    del.icio.us    technorati    reddit